ပူဒီနာ စားသင့်တဲ့အချက်
ပူဒီနာရွက်မှာ ဗီတာမင်အေ၊ ဘီ ၆၊ စီ၊ အီး၊ ကေ စတဲ့ ဗီတာမင်တွေအပြင် ထုံးဓာတ်၊ သံဓာတ်၊ ပိုတက်ဆီယမ်၊ မဂ္ဂနီဆီယမ်နဲ့ မဂ္ဂနိစ်စတဲ့ သတ္တုဓာတ် တွေ လည်း ကြွယ်ဝတာကြောင့် ဆေးဖက်ဝင်တဲ့ ပူဒီနာနဲ့ပတ် သက်ပြီး မသိမဖြစ်တဲ့ ကောင်းကျိုးတွေကို မျှဝေပေး လိုက်ပါတယ်။
ပူဒီနာရဲ့ အရေးအပါဆုံး ကောင်းကျိုးတွေထဲက တစ်ခုက တော့ အစာခြေအဂ င်္ါအဖွဲ့အစည်း ကို ထောက် ကူပေးပြီး ကောင်းစွာ အစာကြေညက်စေပါတယ်။ နောက်ပြီး ကလေး၊ လူကြီးမရွေး ဖြစ်ပွားတတ်တဲ့ ဗိုက်နာပြီး မအီ မသာဖြစ်တာတွေကိုလည်း သက်သာပျောက်ကင်းစေပါတယ်။
နောက်ပြီး ရင်ကျပ်တာနဲ့ အသက်ရှူလမ်းကြောင်းဆိုင်ရာ ရောဂါတွေကိုလည်း ပူဒီနာရနံ့နဲ့ ပျောက် ကင်းစေပြီး နှာခေါင်းပိတ်ရင် ပူဒီနာလေး၊ ငါးရွက်ကို ရေနွေး ဆူဆူထဲထည့်ပြီး အငွေ့ရှူပေးရင် သက်သာစေ ပါတယ်။ သွေးပေါင် ကျတတ်တဲ့ သူတွေအတွက် ပူဒီ နာက သဘာဝဆေးဝါးဖြစ်ပြီး ပုံမှန်သွေးပေါင် ရှိနေအောင် ထိန်းပေးနိုင်ပါတယ်။ ၀က်ခြံတို့၊ အင်းစက်ပိုးမွှား ကိုက်ခံရတာတို့၊ အရေပြားယားယံ တာတို့ ဖြစ်ရင်လည်း ပူဒီနာရွက်ကို ကြိတ်ခြေပြီး ပွတ်ပေးနိုင်ပါတယ်။ ဒါမှမဟုတ် ပူဒီနာရွက်ကို အရည် ညှစ်ပြီး အရေပြား သန့်စင်ပေးနိုင် ပါသေးတယ်။
ခံတွင်းအနံ့ အသက်ပျောက် ဖို့အတွက်လည်း ပူဒီနာက အ ကောင်းဆုံး သဘာဝဆေးဖြစ်တာ ကြောင့် ပူဒီနာရွက်ကို သွားတိုက် ဆေး၊ ခံတွင်းသန့်စင်ဆေးရည်၊ ခံတွင်းအနံ့မွှေး စပရေးထုတ်ရာမှာ သုံးတဲ့အပြင် ပူဒီနာရွက် ခြောက်ကို အမှုန့်လုပ်ပြီး သွားဖြူ ဆေး အဖြစ်လည်း သုံးနိုင်ပါသေးတယ်။
ပူဒီနာရွက်က ကြွက်သား နာကျင်တာ၊ ဗိုက်အောင့်တာ၊ ခေါင်းကိုက်တာတွေကိုလည်း သက်သာစေတဲ့အပြင် မူးမော်ပြီး ပျို့အန်ချင်ပါကလည်း အရွက် ကို ကြိတ်ခြေရှူရှိုက်ပေးရင် သက် သာပျောက်ကင်းပါတယ်။ အရေး ကြီးဆုံးအချက်က ပူဒီနာမှာပါတဲ့ မင်သော်က ကင်ဆာရောဂါအ မျိုးမျိုးကို ကာကွယ်နိုင်တာပဲ ဖြစ် ပါတယ်။ စိတ်ဖိစီးမှုများရင်လည်း ရေနွေးကြမ်းထဲကို ပူဒီနာရွက်အ နည်းငယ်ထည့်ပြီး သောက်ပေးရင် စိတ်ကြည်လင် လန်းဆန်းပြီး မှတ်ဉာဏ်ကိုလည်း တိုးတက်စေ ပါတယ်။
-Ref: humanhealth.com
7Day Daily
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+