Facebook တွင် dislike ခလုတ် ထည့်သွင်းရန် စဉ်းစားနေကြောင်း မာ့ခ်ဇူကာဘက်ခ် ပြောကြား

By
ကယ်လီ ဖိုးနီးယားပြည်နယ် မန်လိုပ့ါခ်မြို့ရှိ ကုမ္ပဏီ၏ ရုံးချုပ်တွင် မကြာသေးမီက ပြုလုပ်ခဲ့သော အမေး အဖြေကဏ္ဍ တစ်ခု၌ Facebook အနေဖြင့် သုံးစွဲသူများ၏ စိတ်ခံစားမှုကို ဖော်ပြရာတွင် Like ခလုတ် ကဲ့သို့ ဖော်ပြနိုင်မည့် အခြားနည်းလမ်း များကို စဉ်းစားနေကြောင်း အမှုဆောင် အရာရှိချုပ် မာ့ခ်ဇူကာဘက်ခ် က ပြောကြားခဲ့သည်။

အဆိုပါ အမေးအဖြေ ကဏ္ဍတွင် ကာလ အတန်ကြာကတည်းက တောင်းဆိုခဲ့သည့် dislike ခလုတ်ကို Facebook တွင် ထည့်သွင်းရန် အစီအစဉ် ရှိ၊ မရှိ မေးမြန်းမှုအပေါ် ဇူကာဘက်ခ်က “ဒီကိစ္စအတွက် ကျွန်တော်တို့ စဉ်းစားနေပါတယ်” ဟု ဖြေကြားခဲ့သည်။

သို့သော် အဆိုပါ ခလုတ်ကို dislike အဖြစ် ခေါ်ဆိုရန် မသေချာကြောင်း ၎င်းက ရှင်းလင်းပြောကြားခဲ့သည်။ လူအများစုသည် Facebook ပေါ်တွင် တွေ့မြင်ရသည့် post များကို like မဟုတ်ဘဲ အခြားသော စိတ် ခံစားချက်များဖြင့် ဖော်ပြရန် ဆန္ဒရှိကြကြောင်း ဇူကာဘက်ခ်က ဆိုခဲ့သည်။

“လူတိုင်းက Like ခလုတ်ကိုနှိပ်ပြီး သူတို့ရဲ့ စိတ်ခံစားချက်ကို ဖော်ပြကြပါတယ်။ ဒါဟာ တစ်စုံတစ်ယောက် ရဲ့ စိတ်ခံစားချက်နဲ့ ထပ်တူကြကြောင်း ဒါမှမဟုတ် စာနာထောက်ထားကြောင်းကို ဖော်ပြခြင်း ဖြစ်ပါတယ်။ ဒါပေမဲ့ တစ်ခါတစ်လေမှာ Like ခလုတ်နဲ့ မသင့်တော်တဲ့ one-click တုံ့ပြန်မှုမျိုးနဲ့ လူတွေက သူတို့ရဲ့ စိတ် ခံစားချက်ကို ဖော်ပြလိုကြပါတယ်။ အဲ့ဒီအတွက် ကျွန်တော်တို့အနေနဲ့ သင့်တော်မယ့် နည်းလမ်းနဲ့ လုပ်ဆောင်ဖို့ လိုပါတယ်။ ဘာကြောင့်လဲဆိုတော့ dislike ဒါမှမဟုတ် အနှုတ်လက္ခဏာဆောင်တဲ့ အခြား စိတ်ခံစားချက်က လွဲမှားတဲ့ အကြောင်းကိစ္စရပ်တွေ အတွက် အလွယ်တကူ အသုံးပြုနိုင်တာကြောင့်ပါ” ဟု ဇူကာဘက်ခ် က ပြောကြား ခဲ့သည်။

Ref: Mashable
Internet Journal
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+

ဆက်စပ်ဖတ်ရှုရန် အကြောင်းအရာများ...