ကလေးသူငယ် လိင်ဝက်ဘ်ဆိုက်မှုဖြင့် မြန်မာအမျိုးသား ထောင် ၁၃ နှစ်ကျ
လူဝီဇီယားနားပြည်နယ်၊ နယူးအော်လင်း တရားရုံး တရားသူကြီး ဆာရာ အက်စ် ဗန့်စ်သည် အသက် ၂၆ နှစ်ရှိ အောင်ဂေါ် (ခေါ်) မိုက်ကယ်လ် ဂေါ် အပေါ် ထောင်ဒဏ် ၁၃ နှစ်သာမက ထောင်မှ လွတ်လာလျှင်လည်း လိင်ပြစ်မှု ကျူးလွန်သူအဖြစ် မှတ်တမ်းတင် စာရင်းသွင်း၍ ကြီးကြပ်စောင့်ကြည့်မှု ၁၀ နှစ် အနည်းဆုံး ခံယူရန်လည်း အမိန့်ချလိုက် သည်။
အောင်ဂေါ် ခေါ် မိုက်ကယ်လ် ဂေါ်၏ ဂူဂယ်လ်ပလပ်စ် စာမျက်နှာတွင် သူသည် ကယ်လီဖိုးနီးယား တက္ကသိုလ် ဘာကလေတွင် ပညာသင်ကြားခဲ့ပြီး Cal Coast Financial Corp.တွင် အလုပ်လုပ်နေကြောင်း ဖော်ပြ ထားသည်။ အမေရိကန်နိုင်ငံတွင် ဖော်ထုတ် ဖမ်းဆီးခဲ့သော ကလေးသူငယ် လိင်ကိစ္စအမှုများတွင် အကြီး ဆုံးဖြစ်သည့် ညစ်ညမ်း လိင်ဝက်ဘ်ဆိုက်ကို ထူထောင် လုပ်ကိုင်နေသော ဂိုဏ်းတခုမှ ၁၄ ဦးကို ဖမ်းဆီး အရေးယူရာတွင် ဆန်ဖရန်စစ္စကိုအနီး ဖရီးမောင့်မြို့နေ မြန်မာအမျိုးသား အောင်ဂေါ် (ခေါ်) မိုက်ကယ်လ် ဂေါ်လည်း ပါဝင်ပါသည်။
အောင်ဂေါ် ခေါ် မိုက်ကယ်လ် ဂေါ်သည် ဖရီးမောင့်မြို့မှ အိုလုံးကောလိပ်တွင် တက်ရောက် ခဲ့ပြီးနောက် ကယ်လီဖိုးနီးယား တက္ကသိုလ် ဘာကလေတွင် ပညာသင်ကြား ခဲ့သော်လည်း ဘွဲ့မရခဲ့ကြောင်း သိရသည်။ အိမ်ဝယ်ချေးငွေ ကုမ္ပဏီတစ်ခုတွင် စာရင်းကိုင် အရာရှိအဖြစ် အလုပ်လုပ်နေရင်း ကလေးသူငယ် လိင်ဝက်ဘ်ဆိုက် ပြစ်မှုဖြင့် ဖမ်းဆီးခံရခြင်း ဖြစ်သည်။ သူသည် အိမ်ထောင်မရှိ၊ ကလေးမရှိသူ လူလွတ် တစ်ဦးဖြစ်သည်။
အဖမ်းခံရသည့်အချိန်က ၎င်းသည် ဆန်ဖရန်စစ္စကိုမြို့ မြန်မာနွယ်ဖွား တိုင်းရင်းသား အများအပြား နေထိုင် သည့် ဘေးဧရိယာရှိ ဖရီးမောင့်မြို့တွင် နေထိုင်လျက်ရှိပြီး၊ ရန်ကုန်မြို့၊ ပညာရေး တက္ကသိုလ် လေ့ကျင့်ရေးကျောင်း TTC မှ ကျောင်းသားဟောင်း တစ်ဦးဖြစ်ကြောင်း သိရှိရသည်။
မြန်မာများ သတိပြုဖွယ်
အမေရိကန် ပြည်ထောင်စုတွင် မိမိ၏ သားသမီးအရင်း ဖြစ်စေကာမူ၊ ကလေး သူငယ်များ၏ ကိုယ်လုံးတီး ဓာတ်ပုံ၊ ဗီဒီယိုများ ရိုက်ကူး၍ အီးမေးလ်၊ ဖေ့စ်ဘွတ်ခ်၊ ယူကျု(ဘ်) စသည်တို့မှ ဖြန့်ချိလျှင် ကြီးလေးသော ရာဇဝတ်ပြစ်မှု ဖြစ်ပါသည်။
၂၀၁၂ ခုနှစ် ဇွန်လမှ စတင်ထူထောင် လုပ်ကိုင်သော ၎င်းဝက်ဘ်ဆိုက်တွင် ကလေးသူငယ်များ လိင်မှုကိစ္စ မဖွယ်မရာ ကျူးလွန်နေသည့် ဗီဒီယိုပေါင်း ၂,၀၀၀ ကျော် တင်ထားသည်။ လိင်ကိစ္စ အသုံးပြုခံရသော ကလေး သူငယ် စုစုပေါင်း ၂၅၁ ဦးကို တွေ့ရှိရသဖြင့် ဖော်ထုတ် ဖမ်းဆီးခဲ့သမျှ အမှုများတွင် ကျူးလွန်ခံ ရသော ကလေးဦးရေ အများဆုံး အမှုဖြစ်သည်။
မိုက်ကယ်လ် ဂေါ်သည် အသက် ၂၇ နှစ်ရှိ ဂျွန်နာသန် ဂျွန်ဆင် ဆိုသူ ဦးဆောင်သော ကလေးသူငယ် လိင်ဆိုင်ရာ ဓာတ်ပုံ၊ ဗီဒီယိုနှင့် စာပေများ ဖြန့်ဖြူးသော ဝက်ဘ်ဆိုက်တွင် ၂၀၁၂ ခုနှစ် ဒီဇင်ဘာလမှ ၂၀၁၃ ခုနှစ် မေလအထိ ပါဝင် လုပ်ကိုင်ခဲ့သဖြင့် အပြစ်ရှိကြောင်း ဝန်ခံလိုက်၍ ထောင်ဒဏ် ၁၃ နှစ်သာ စီရင်ခံ ရခြင်း ဖြစ်၏။ ၎င်းကို ဖရီးမောင့်နေအိမ်မှ ဖမ်းဆီးခဲ့သည့် ၂၀၁၃ ခုနှစ် နိုဝင်ဘာ ၅ ရက်မှစ၍ အပြစ် မရှိကြောင်း မိုက်ကယ်လ် ဂေါ်က နှစ်ကြိမ် ငြင်းဆိုခဲ့သည်။
ယခုနှစ် ဇွန်လ ၄ ရက်ကျမှ အပြစ်ရှိကြောင်း ဝန်ခံလိုက်သဖြင့် လျှော့ပေါ့သော ပြစ်ဒဏ် ချမှတ်ခံရခြင်း ဖြစ်၍ ဝန်မခံလျှင် အနည်းဆုံး ထောင်ဒဏ် ၁၅ နှစ်မှ နှစ် ၃၀ အထိ ကျခံရဖွယ်ရှိသည်။
၎င်းတို့ဂိုဏ်း၏ ခေါင်းဆောင် ဂျွန်နာသန် ဂျွန်ဆင်အား ရှေ့နှစ်ဆန်းပိုင်းတွင် စီရင်ချက် ချမည် ဖြစ်၏။
ကမ္ဘာသစ် လူမှုစီးပွား မီဒီယာ
http://kabarthit.com
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+