လင်းယုန်ကဲ့သို့ မြင့်မြင့်ပျံပါ....
လင်းယုန်ငှက်တို့သည် မုန်တိုင်း လာတော့မည်ကို ကြိုတင် သိကြ၏။
ထိုအခါ အရိပ်အမိုး တစ်ခုခုအောက်မှာ ရှောင်တိမ်း ပြေးပုန်းမည့်အစား ကောင်ကင်ရဲ့ အမြင့်တစ်နေရာသို့ ပျံတက်ပြီး မုန်တိုင်းအလာကို စောင့်၏။
မုန်တိုင်းစတင်ချိန် ၎င်းရဲ့ လေအဟုန်ကို အခွင့်ယူပြီး အမြင့်ဆုံးတစ်နေရာကို ရောက်ရှိဖို့ သူတို့ရဲ့ တောင်ပံတွေကို အသင့်ပြင်ထား၏။ ထို့နောက် မုန်တိုင်းရဲ့ လေအဟုန်က သူတို့ရဲ့ တောင်ပံတွေကို ပင့်တင်ရိုက်ခတ်ပြီး သူတို့ကို ကောင်းကင်ရဲ့ အမြင့်ဆုံးတစ်နေရာသို့ ပို့ဆောင်ပေးလိုက်၏။ အောက်ဘက် မုန်တိုင်းပြင်းထန်နေချိန် လင်းယုန်ငှက်တွေကတော့ ကောင်းကင်အမြင့် တစ်နေရာမှာ သာယာစွာဖြင့် ပျံဝဲနေကြလေ၏။
လင်းယုန်ငှက်တို့သည် မုန်တိုင်းကို ရှောင်ရှားဖို့ မကြိုးစားကြပေ။ သူတို့ မြင့်သထက်မြင့်အောင် ပျံသန်းနိုင်ဖို့ မုန်တိုင်းကို အခွင့်အလမ်း တစ်ခုအနေဖြင့် အသုံးချခဲ့၏။ အခြားသော သတ္တဝါတွေ စိုးရိမ်ထိတ်လန့်ရသည့် မုန်တိုင်းအပေါ်မှာ သူတို့က ပျော်မြူးနေကြလေ၏။
(ဘဝမှာ အခက်အခဲ အကြပ်အတည်းတွေ၊ စိန်ခေါ်မှုတွေကို ရင်ဆိုင်ကြုံတွေ့ရတဲ့အခါ ၎င်းတို့ကို အခွင့်အလမ်းတစ်ခုအနေနဲ့ အသုံးချပြီး လင်းယုန်ငှက်တွေလို မြင့်သထက်မြင့်အောင် ပျံသန်းလိုက်ပါ....။)
@moral_stories