ရေခဲသေတ္တာ ရောင်းမည်...
လူတစ်ယောက်သည် သူ့အိမ်အတွက် ရေခဲသေတ္တာ အသစ်တစ်လုံး ဝယ်ယူလိုက်သည်။
အိမ်ရှိ ရေခဲသေတ္တာ အဟောင်းကို ခြံရှေ့တွင် သွားထားပြီး အောက်ပါအတိုင်း စာရေးပြီး ကပ်ထားလိုက်သည်။
"မည်သူမဆို အခမဲ့ယူနိုင်ပါသည်"
သုံးရက်ကြာသည့်တိုင် မည်သူမျှ လာမယူကြပေ။ လူတွေက သူ့စေတနာကို တန်ဖိုးမထားကြတာလားဟု တွေးလိုက်သည်။
ထို့နောက် သူက စာသားကို အောက်ပါအတိုင်း ပြောင်းရေးလိုက်သည်။
"ရေခဲသေတ္တာ ရောင်းမည်... ဒေါ်လာ ၅၀..."
နောက်တစ်နေ့တွင် တစ်စုံတစ်ယောက်က လာခိုးယူသွားသည်.....။
