စိန်နဲ့ ကြွက်...
ကြွက်တစ်ကောင်သည် စိန်တစ်လုံးကို မျိုချလိုက်သည်။ စိန်ပိုင်ရှင်က ကြွက်ကိုသတ်ဖို့ လူတစ်ယောက်ကို အခကြေးငွေနှင့် ငှားရမ်းလိုက်သည်။ ကြွက်သတ်သမား ရောက်လာသောအခါ ကြွက်တစ်ထောင်ကျော်သည် အားလုံး စုရုံးလိုက်ကြသည်။ သို့သော် ကြွက်တစ်ကောင်ကမူ အုပ်စုထဲမဝင်ပဲ အဝေးတစ်နေရာမှာ တစ်ကောင်တည်း ထိုင်နေလေသည်။
ကြွက်သတ်သမားလည်း တစ်ကောင်တည်း ထိုင်နေသည့်ကြွက်ကို ဖမ်းသတ်လိုက်သည်။ စိန်ကို မျိုချလိုက်သည့်ကြွက် ဖြစ်နေသည့်အတွက် စိန်ပိုင်ရှင်က အလွန်အံ့သြသွားသည်။
သိုဖြင့် စိန်ပိုင်ရှင်က အံ့ဩတစ်ကြီးနှင့် ကြွက်သတ်သမားကို မေးလိုက်သည်။
"ဒီကြွက်မှန်း ရှင်ဘယ်လိုသိတာလဲ...?"
ထိုအခါ ကြွက်သတ်သမားက...
“အရမ်း လွယ်ပါတယ်ဗျာ... ဒီလို အရူးတွေက ချမ်းသာလာရင် အခြားသူတွေနဲ့ ရောရောနှောနှော မနေကြတော့ပါဘူး...”
