“အနှိုင်းမဲ့ ဆင်းရဲ”
တခြားဆင်းရဲ မရှိတော့ လို့ပါပဲ။
ခန္ဓာဝန် ထမ်းရခြင်း ဆင်းရဲနဲ့ လဲလှယ်သင့်၊ လဲလှယ် ထိုက်တဲ့ တခြားဆင်းရဲ လောကမှာ မရှိတော့တဲ့ အတွက် ခန္ဓာဝန် ထမ်းရခြင်းဆင်းရဲဟာ “အနှိုင်းမဲ့ ဆင်းရဲ” ဖြစ်ရပါတယ်။
ကာယကံရှင်ရဲ့ ကိုယ်စိတ်နှစ်ပါးကို နှိပ်စက်တတ်တဲ့ သဘော၊
ကာယကံရှင်ရဲ့ ဘဝကို တူးဖြိုဖျက်ဆီး တတ်တဲ့ သဘောကို ဆင်းရဲ (ဒုက္ခ) လို့ ခေါ်ပါတယ်။ တစ်နည်းအားဖြင့် စက်ဆုပ် ရွံမုန်း စရာကောင်းတဲ့ သဘော၊ အားကိုး အားထားစရာ မကောင်းတဲ့ သဘောကို ဆင်းရဲ (ဒုက္ခ) လို့ ခေါ်ပါတယ်။ အလွယ်ဆုံး ပြောရရင်တော့ ဆင်းရဲ (ဒုက္ခ) ဆိုတာ မကောင်းတဲ့ သဘောပါပဲ။
သတ္တဝါတွေရဲ့ ကိုယ်စိတ်နှစ်ပါးနဲ့ ဘဝကိုနှိပ်စက် ဖျက်ဆီးတတ်တဲ့ စက်ဆုပ်ရွံမုန်းစရာ ဆင်းရဲ ဒုက္ခတွေ အားလုံးထဲမှာ ခန္ဓာဝန် ထမ်းရခြင်း ဆင်းရဲဟာ အဆိုးဝါးဆုံးဆင်းရဲ၊ ကြောက်မက်ဖွယ် အကောင်းဆုံး ဆင်းရဲ ဖြစ်ပါတယ်။ ဘာလို့လဲဆိုတော့ ခန္ဓာဝန်ထမ်းရခြင်း ဆင်းရဲဟာ ခန္ဓာရှိနေသမျှ အချိန်တိုင်း ရှိနေလို့၊ အချိန်ပြည့် ရှိနေလို့ပါပဲ။
လောကမှာ ဆန်အိတ်စတဲ့ လေးလေးပင်ပင် ဝန်ထုပ်တွေကို ထမ်းပိုးသယ်ဆောင်ပြီး အသက်မွေး ဝမ်းကျောင်းပြုရတဲ့ ဝန်ထုပ်ထမ်းသမားတွေ၊ ကူလီထမ်းသမားတွေ ရှိကြပါတယ်။ သူတို့ထမ်းရတဲ့ ဝန်ထုပ်တွေဟာ လေးလံလွန်းလို့ အားကောင်းမောင်းသန် ယောက်ျားကြီးတွေပဲ ထမ်းနိုင်ကြပါတယ်။
ဒါပေမဲ့ ဘယ်လောက်လေးလံတဲ့ ဝန်ထုပ်ကိုပဲဖြစ်ဖြစ် တစ်မိနစ်၊ နှစ်မိနစ်စသည် မိနစ်ပိုင်းလောက်ပဲ
ထမ်းကြရပါတယ်။ တစ်နာရီ၊ နှစ်နာရီစသည်၊ တစ်နေ့လုံး၊ နှစ်နေ့လုံးစသည် အချိန်အကြာကြီး ထမ်းမထား ကြရပါဘူး၊ အမြဲတမ်း ထမ်းမထားကြရပါဘူး။ တကယ်လို့ အမြဲတမ်း ထမ်းထားရမယ် ဆိုရင်လည်းသေဖို့ပဲ ရှိပါတယ်။
မိနစ်ပိုင်းလောက် ဝန်ထုပ်ကြီး ထမ်းထား ရတာတောင် အင်မတန် ပင်ပန်းဆင်းရဲပါတယ်။ ချရမယ့်နေ ရာရောက် လို့ ဝန်ထုပ်ကြီး ပစ်ချလိုက်ရတဲ့အခါကျမှပဲ ခန္ဓာကိုယ်ပေါ့ပါးပြီး နေသာထိုင်သာရှိသွားပါတယ်။ စိတ်သက်သာရာ၊ စိတ်ချမ်းသာရာ ရသွားပါတယ်။
ခန္ဓာဝန်ထုပ်ကျတော့ ကူလီထမ်းသမားတွေ ထမ်းရတဲ့ဝန်ထုပ်မျိုးနဲ့ မတူပါဘူး။ အချိန် အကန့်အသတ်နဲ့ ထမ်းရတဲ့ ဝန်ထုပ်မဟုတ်ဘဲ ၊အချိန်ပြည့်ထမ်းရတဲ့ ဝန်ထုပ်ဖြစ်နေပါတယ်။ ခန္ဓာဝန် ထမ်းသမား တစ်ယောက် အနေနဲ့ ခန္ဓာဝန်ထုပ် ပစ်ချထားရမယ့်အချိန်၊ အနားယူရမယ့် အချိန်ဆိုလို့ ခေတ္တ ခဏလေးတောင် မရှိပါဘူး။ အားချိန်မရှိ၊ နားချိန်မရှိ အချိန်ရှိသမျှ စက္ကန့်တိုင်း ခန္ဓာဝန်ထုပ်ကို ထမ်းပိုး ရွက်ဆောင်နေရပါတယ်။
ကိုယ်ရထားတဲ့ ခန္ဓာလေး ကျန်းမာအောင်၊ ချမ်းသာအောင်၊ ပျက်စီးသေဆုံး မသွားဘဲ တည်မြဲရှင် သန်နေအောင် နည်းအမျိုးမျိုးနဲ့ ပြုစုမွေးမြူပြီး ခန္ဓာဝန်ထမ်းနေရပါတယ်။ အချို့ဆို ကိုယ့်ခန္ဓာဝန် တစ်ခုတည်း ထမ်းရတာနဲ့ အားမရလို့ သူများ ခန္ဓာဝန်တွေပါ အငှားယူပြီး အဆစ်ပိုထမ်းနေကြ ပါသေးတယ်။
မိနစ်ပိုင်း၊ နာရီပိုင်းလောက်လည်း မဟုတ်ဘူး၊ လပိုင်း၊ နှစ်ပိုင်းလောက်လည်း မဟုတ်ဘူး၊ အသက်နဲ့ ခန္ဓာ အိုးစားမကွဲဘဲ တည်မြဲနေသမျှ ဘဝတစ်သက်တာလုံး မသေမချင်း ထမ်းနေကြ ရပါတယ်။
ဒီဘဝကျမှ ထမ်းရတာလား ဆိုတော့ မဟုတ်ပါဘူး။ မရေမတွက်နိုင်တဲ့ ကမ္ဘာပေါင်း အသင်္ချေအနန္တ
အစမထင် သံသရာက စပြီးတော့ ထမ်းလာခဲ့ကြရတာပါ။ ဒီဘဝသေရင် ထမ်းခြင်းကိစ္စ ပြီးပြီလား ဆိုတော့
မပြီးသေးပါဘူး။ “ရဟန္တာ” အဖြစ်နဲ့ ခန္ဓာပရိနိဗ္ဗာန် မစံမချင်း ထမ်းနေကြရဦးမှာပါ။
ရဟန္တာဖြစ်သွားတာတောင် ခန္ဓာဝန်ထမ်းဆောင်ရတဲ့ ဆင်းရဲက မလွတ်မြောက်သေးပါဘူး။ နိဗ္ဗူစံကြွ ခန္ဓာဝန်ချတော့မှပဲ လွတ်မြောက်ပါတယ်။ ခန္ဓာအသစ် ထပ်မဖြစ်တော့တဲ့ သေခြင်းမျိုးနဲ့ မသေမချင်း အမြဲတမ်း အချိန်ပြည့် တွေ့ကြုံခံစားရမယ့် ဆင်းရဲဖြစ်လို့ ခန္ဓာဝန် ထမ်းရခြင်းဆင်းရဲဟာ “အနှိုင်းမဲ့ ဆင်းရဲ” ဖြစ်ရပါတယ်။
ကိုယ့်ခန္ဓာ ပဋိသန္ဓေနေနေစဉ်တုန်းကတော့ ကိုယ့်ရဲ့ခန္ဓာဝန်ကို ကိုယ့်မိဘက၊ အဓိကအားဖြင့် ကိုယ့်မိခင် က ထမ်းဆောင်ပေးခဲ့ပါတယ်။ အသွားအလာ၊ အနေအထိုင် ဆင်ခြင်တာကအစ၊ အစားအသောက် ဆင်ခြင်တာအလယ်၊ ခန္ဓာကောင်းကောင်းလေး ဖြစ်လာဖို့ ကုသိုလ်ကောင်းမှု ပြုပေးတာအဆုံး၊ ကိုယ့်ရဲ့ ခန္ဓာဝန်ကို ကိုယ့်ရဲ့ ကိုယ်စား မိခင်ဖခင်ကျေးဇူးရှင်တို့က ထမ်းဆောင်ပေးခဲ့ကြပါတယ်။
မွေးဖွားပြီးလို့ ကိုယ့်ခန္ဓာဝန်ကို ကိုယ်မထမ်းဆောင်နိုင်သေးတဲ့ အရွယ်မှာလည်း အမိအဖ၊ အစ်ကိုအစ်မ စတဲ့ လူကြီးတွေက မေတ္တာစေတနာအပြည့်နဲ့ ကိုယ့်ရဲ့ ခန္ဓာဝန်ကို စိတ်ရှည် လက်ရှည် ထမ်းဆောင်ပေး ခဲ့ကြပါတယ်။ နို့ချိုတိုက်ကျွေးတာကအစ အညစ်အကြေး သုတ်သင်ပေးတာ အဆုံးပေါ့။
အချိန်တန်အရွယ်ရလို့ လူမှန်းသိတတ်လာတဲ့အခါမှာတော့ ကိုယ့်ရဲ့ ခန္ဓာဝန်ကို ကိုယ်တတ်နိုင်သလောက် ကနေစပြီး ကိုယ်ကိုယ်တိုင်ပဲ ထမ်းဆောင်ရပါတော့တယ်။ နေ့စဉ်နဲ့အမျှပါပဲ။
မနက်အိပ်ရာထတဲ့အချိန်က စပြီးတော့ မျက်နှာသစ်ပေးရ၊ သွားတိုက်ပေးရ၊ ရေချိုးပေးရ၊ စားစရာသောက် စရာတွေပြုလုပ်ပေးရ၊ စားသောက်ပေးရ၊ ဝတ်စရာ ဆင်စရာတွေ စီမံပေးရ၊ ဝတ်ဆင်ပေးရ၊ နေစရာထိုင် စရာတွေ ဖန်တီးပေးရ၊ နေထိုင်ပေးရ၊ ကျင်ကြီးကျင်ငယ် စွန့်ထုတ်ပေးရ၊ သန့်ရှင်းပေးရ၊ လက်သည်းခြေ သည်း ရှည်လာပြန်တော့ ညှပ်ပေးရ၊ ဆံပင်ရှည်လာပြန်တော့ ဖြတ်ပေးရ၊ ရိတ်ပေးရ၊ ခေါင်းလျှော်ပေးရ။
တစ်နေ့တစ်နေ့ ထမ်းဆောင်လိုက်ရတဲ့ ခန္ဓာဝန်၊ တစ်နေ့တစ်နေ့ ခံလိုက်ရတဲ့ ခန္ဓာဆင်းရဲ၊ နည်းမှ မနည်း ပါပဲလား။ တော်ကြာ ဟိုဟာ လုပ်ပေးပါဦးဆို ဟိုဟာ ထလုပ်ပေးရ၊ တော်ကြာ ဒီဟာ လုပ်ပေးပါဦးဆို ဒီဟာ ထလုပ်ပေးရ၊ နားမှ မနားရပါပဲလား။
ကိုယ်ဝါသနာပါတဲ့အလုပ်၊ ကိုယ့်ဘဝရဲ့ မလုပ်မဖြစ် အရေးကြီးတဲ့အလုပ်တွေကို လုပ်လို့ကောင်းနေတုန်း ရှိသေး။ ခန္ဓာက စားချင်တယ်ဆိုတော့ စားပေးရပြန်ပြီ။ ခန္ဓာက ပူတယ်ဆိုတော့ အေးအောင် လုပ်ပေး ရပြန်ပြီ။ ခန္ဓာက အေးတယ် ဆိုတော့ နွေးအောင် လုပ်ပေးရပြန်ပြီ။ ကိုယ့်အလုပ် ကိုတောင် ကောင်းကောင်း ဖြောင့်ဖြောင့် မလုပ်ရဘူး။ တော်တော်အလုပ်ရှုပ်တဲ့ ခန္ဓာ၊တော်တော် ပြဿနာရှာ တဲ့ ခန္ဓာ။
ထိုင်တာကြာတော့ ညောင်းလို့ ရပ်ပေးရ၊ ရပ်တာကြာတော့ ညောင်းလို့ သွားပေးရ၊ သွား တာကြာတော့ ညောင်းလို့ လျောင်းပေးရ၊ လျောင်းတာကြာတော့ ညောင်းလို့ ထိုင်ပေးရ၊ ဣရိယာ ပုတ်လေးပါး တစ်ပါး ညောင်းတိုင်း တစ်ပါးပြောင်းပြီး ပြုပြင်ပေးနေရတာကလည်း ဆင်းရဲ ဒုက္ခတစ်မျိုး။ ဣရိယာပုတ် တစ်ပါး အတွင်းမှာကိုပဲ သက်သက်သာသာ ရှိအောင်ဆိုပြီး ကွေးလိုက်၊ ဆန့်လိုက်၊ စောင်း လိုက်၊ လှုပ်လိုက်လုပ်ရတာတွေ အများကြီးပါသေးတယ်။
သွားတဲ့ လာတဲ့အခါ ခလုတ်မထိ၊ ဆူးမငြိအောင် ဂရုစိုက်ရ၊ လုပ်တဲ့ကိုင်တဲ့အခါ မထိမခိုက် မိအောင် ကြောင့်ကြရ။ ဘေးရန်အန္တရာယ် မတွေ့အောင်၊ အနာရောဂါ မဖြစ်အောင် သတိထားရ။ ဒီလောက် သတိထားနေတဲ့ကြားထဲက ဘေးရန်အန္တရာယ်တစ်ခုခု တွေ့လာပြီ၊ အနာရောဂါ တစ်ခုခု ဖြစ် လာပြီဆိုရင် လွတ်မြောက်အောင် ကြိုးစားရ။ ပျောက်ကင်းအောင် ကုသရနဲ့၊ ဘဝတစ်သက်တာမှာ အချိန်နဲ့ အမျှ ထမ်းဆောင်နေရတဲ့ ခန္ဓာဝန်တွေဟာ ပြောပြလို့ မကုန်နိုင်အောင်ကို များပြားလွန်းလှပါတယ်။
ထမ်းဆောင်နေရသမျှ ခန္ဓာဝန်တွေထဲမှာ အပင်ပန်း အဆင်းရဲဆုံး၊ ဝန်အလေးဆုံးကတော့ “စားသောက်ရေး ဝန်လို့ ခေါ်တဲ့ ဝမ်းရေးဝန်”ပါပဲ။ အစာအာဟာရ ဖြည့်တင်းပေးနေရတဲ့ ဝမ်းရေး ဝန်ထုပ်ဟာ အကြီးလေးဆုံး ခန္ဓာဝန်ထုပ်ပါ။ သူ့ထက် ပိုနှိပ်စက်တတ်တဲ့ ခန္ဓာဝန်ထုပ် မရှိတော့ပါဘူး။
လူသားအပါအဝင် သတ္တဝါတွေအားလုံး နေထွက်က နေဝင်၊ နေဝင်က နေထွက်၊ မိုးလင်းက မိုးချုပ်၊ မိုးချုပ်က မိုးလင်း ရုန်းကန်လှုပ်ရှား ပြေးလွှားသွားလာ ရှာဖွေနေကြတာဟာ အဓိကအားဖြင့် ခန္ဓာရဲ့ “ဝမ်းရေးဝန်ထုပ်” ကို ဖြေရှင်းဖို့ အတွက်ပါပဲ။
တစ်ခါတုန်းက ပွဲတော်စာ (ထမင်း)ကို တခမ်းတနားစားပြလေ့ရှိတဲ့ “ဘောဇနသုဒ္ဓိက” ဆိုတဲ့ ရှင်ဘုရင်ကြီး
တစ်ပါး ရှိခဲ့ဖူးပါတယ်။ သူဟာ ပွဲတော်စာထမင်းကို နန်းတော်ထဲမှာ စားလေ့မရှိပါဘူး။ နန်းတော်တံခါးဝက တခမ်းတနား တန်ဆာဆင်ထားတဲ့ မဏ္ဍပ်ကြီးထဲမှာပဲ စားလေ့ရှိပါတယ်။
ရတနာမဏ္ဍပ်ကြီးထဲက ထီးဖြူအုပ်မိုးထားတဲ့ ရွှေသားပကတိရာဇပလ္လင်ပေါ်မှာ မင်းသွေးမင်းနွယ်၊ မင်းသမီး အချောအလှတွေ ခြံရံပြီး တစ်သိန်းတန်ရွှေခွက်နဲ့ တစ်သိန်းတန် ရသာမွန် အစားအစာတွေကို မြိန်ယှက်စွာ စားပြပါတယ်။
သူ့ရဲ့ရည်ရွယ်ချက်ကတော့ သူ အခုလို တခမ်းတနားနဲ့ အမွန်အမြတ် စားသောက်နေရတဲ့ စည်းစိမ် ချမ်းသာကို လာရောက်ကြည့်ရှုလို့ မြင်တွေ့ကြရတဲ့ တိုင်းသူပြည်သူတွေဟာ သူ့ကို အားကျပြီး
“ကုသိုလ်ကောင်းမှုတွေ” ပြုလုပ်ကြလိမ့်မယ်ဆိုတဲ့ ရည်ရွယ်ချက်ပါပဲ။ ကြွားချင်၊ဝါချင်လို့ မဟုတ်ပါဘူး။
မြင်တွေ့ရသူတွေ ကုသိုလ်ပြုချင်စိတ် ထက်သန်စေချင်လို့ပါ။ ကုသိုလ်ကောင်းမှုရဲ့ အကျိုးဆက်ကြောင့်
အခုလို စားနိုင် သောက်နိုင်တာ မဟုတ်လား။
တစ်နေ့ ရှင်ဘုရင်ကြီးပွဲတော်တည်နေတဲ့အချိန်၊ ပွဲတော်တည်တာကို လာကြည့်ကြတဲ့ ပရိသတ်ထဲက
အမျိုးသားတစ်ယောက်ဟာ ရှင်ဘုရင်ပွဲတော်တည်တာကို ကြည့်ရင်းကြည့်ရင်းနဲ့ ရှင်ဘုရင့်ပွဲတော်စာကို စားချင်တဲ့စိတ်တွေအငမ်းမရတဖွားဖွား ပေါ်ပေါက်လာပါတယ်။
ပွဲတော်စာ စားချင်တဲ့စိတ်ကို ဘယ်လိုမှ မျိုသိပ်မထားနိုင်တော့တဲ့ အဲဒီအမျိုးသားဟာ အကြံတစ်ခုရတာနဲ့ ပုဆိုးကို မြဲအောင်ဝတ်၊ လက်နှစ်ဖက်ကို အပေါ်မြှောက်ပြီး...
“အို...ပရိသတ်အပေါင်းတို့၊ ကျွန်ုပ်ဟာ တမန်တော်ပါ၊ ကျွန်ုပ်ဟာ တမန်တော်ပါ”
လို့ အသံကုန် ဟစ်အော်ရင်း မင်းကြီးရှိရာနေရာကို တန်းတန်းမတ်မတ် လျှောက်သွားပါတယ်။ လူအုပ်ကြီး ကလည်း “တမန်တော်”လို့ ဆိုတဲ့အတွက်ကြောင့် သူ့ကို မတားမြစ်ဘဲ လမ်းဖယ်ပေးလိုက်ကြပါတယ်။
မင်းကြီးရှေ့မှောက် ရောက်တယ်ဆိုရင်ပဲ ဘာမပြော ညာမပြောနဲ့ ပွဲတော်ခွက်ထဲကနေ ထမင်း တစ်လုတ် ဆုပ်ယူပြီး ပါးစပ်ထဲ အငမ်းမရ ထည့်လိုက်ပါတော့တယ်။
မင်းကြီးရဲ့အနားမှာ အသင့်စောင့်နေတဲ့ ကိုယ်ရံတော်သန်လျက်စွဲက သူ့ကို ခေါင်းဖြတ်ဖို့ သန်လျက် ရွယ်လိုက် တာကို မင်းကြီးက ဟန့်တားထား လိုက်ပါတယ်။
“မဖြတ်ပါနဲ့...၊ စားပါစေ”“အမောင်လုလင်...၊ မကြောက်နဲ့နော်၊ စားသာစား၊ ဝအောင်စား၊ ပြည့်စုံအောင် စား”
မင်းကြီးက ပွဲတော်ဆက်မတည်တော့ဘဲ လက်ဆေးပြီး ၊သူ ထမင်းစားတာကိုပဲ ဘေးကနေ အားပေးရင်း
ထိုင်ကြည့်နေလိုက်ပါတယ်။ထမင်းစားပြီးသွားတော့လည်းမိမိသောက်နေကျ ရွှေခွက်နဲ့ ရေတိုက်လိုက် ပါသေးတယ်။ ပြီးတော့မှ...
“အမောင်လုလင်၊ အမောင်လုလင်က ကိုယ့်ကိုယ်ကို တမန်တော် လို့ ပြောတယ်၊ ဘယ်သူ့ရဲ့ တမန်တော်ပါလဲ၊ ဘယ်ရှင်ဘုရင် ဘယ်မင်းမြတ်ရဲ့ တမန်တော်ပါလဲ။”
“မှန်လှပါ အရှင်မင်းကြီး၊ ကျွန်တော်မျိုးဟာ တခြားဘယ်ဘုရင်မင်းမြတ်ရဲ့တမန်တော်မှ မဟုတ်ပါဘူး။
ဝမ်းဗိုက်ရဲ့တမန်တော်ပါ။ ဝမ်းဗိုက်တည်းဟူသော ဘုရင်မင်းမြတ်ရဲ့ တမန်တော်ပါ”
“အရှင်မင်းကြီး၊ ကျွန်တော်မျိုးအပေါ် အမျက်တော်မရှလိုက်ပါနဲ့။ ကျွန်တော်မျိုးပြောမယ့်စကားကို အသေ အချာ အလေးအနက် ဆင်ခြင်သုံးသပ်ကြည့်ပါ”
“သတ္တဝါတွေဟာ ဒီဝမ်းဗိုက်ရဲ့ အကျိုးအတွက်ပဲ နေ့စဉ်အမျှ ရုန်းကန်လှုပ်ရှား ပြေးသွားဖွေရှာနေကြ ရပါ တယ်။ ဝမ်းဗိုက်အတွက်ဆိုရင် ဘယ်လောက်ဝေးတဲ့ နေရာကိုပဲ ဖြစ်ဖြစ် သွားကြရပါတယ်။ ဘယ်လောက် ရန်သူပေါတဲ့နေရာ၊ ဘယ်လောက် ဘေးရန် အန္တရာယ်များတဲ့ နေရာကိုပဲဖြစ်ဖြစ် သွားကြရပါတယ်။”
“ကိုယ့်ကို ဒုက္ခပေးမယ့် ရန်သူမှန်း သိပေမယ့်လည်း ၊သူ့ဆီက ရစရာရှိတာရမှ ဝမ်းဗိုက်ကိစ္စ အဆင်ပြေ မယ်ဆိုရင် သူ့ဆီက တောင်းစရာ ရှိတာကို ကြောက်မနေအားဘဲ အရဲစွန့်တောင်းကြရပါတယ်။”
“အရှင်မင်းကြီး၊ သတ္တဝါတွေဟာ နေ့စဉ်နဲ့အမျှ နေ့ရော ၊ညပါ ဝမ်းဗိုက်ရဲ့ အလိုကို လိုက်နေကြရပါတယ်။
ဝမ်းဗိုက်ရဲ့ လိုအင်ဆန္ဒကို ဖြည့်ဆည်းပေးနေကြ ရပါတယ်။ ဝမ်းဗိုက်ခိုင်းသမျှ လုပ်နေကြရပါတယ်။
ဒါ့ကြောင့် သတ္တဝါတွေအားလုံးဟာ ဝမ်းဗိုက်ရဲ့ တမန်တော်တွေ၊ ဝမ်းဗိုက်ရဲ့ ကျေးကျွန်တွေ ဖြစ်ကြပါ တယ်။”
“သတ္တဝါအားလုံးထဲမှာ တစ်ယောက် အပါအဝင်ဖြစ်တဲ့ ကျွန်တော်မျိုးဟာလည်း ဝမ်းဗိုက်ရဲ့ တမန်တော်ဖြစ် ပါတယ်။ ဝမ်းဗိုက်ရဲ့ ကျေးကျွန်ဖြစ်ပါတယ်။ ဝမ်းဗိုက်တည်းဟူသော အရှင်သခင် ဘုရင်မင်းမြတ်က “သွား စားချေစမ်း” လို့ စေခိုင်းလိုက်တဲ့ အတွက်ကြောင့် အရှင်မင်းကြီးရဲ့ ပွဲတော်စာကို ကျွန်တော်မျိုး လာပြီး ယူစား မိခြင်းဖြစ်ပါတယ်။ ကျွန်တော်မျိုးအပေါ် အမျက်တော် မရှလိုက်ပါနဲ့ အရှင်မင်းကြီး။”
ချက်ကျလက်ကျ လျှောက်ထားနေတဲ့ အမျိုးသားရဲ့စကားကို “ဘောဇနသုဒ္ဓိကမင်းကြီး”က ဘုရားလောင်းပီပီ
အင်မတန် သဘောကျနှစ်ခြိုက်သွားပါတယ်။ “ဟုတ်လိုက်လေ၊ မှန်လိုက်လေ” လို့လည်း တဖွဖွထောက် ခံနေပါတယ်။
“သတ္တဝါတွေဟာ ဝမ်းဗိုက်ရဲ့ တမန်တော်တွေ၊ ဝမ်းဗိုက်ရဲ့ ကျေးကျွန်တွေ” ဆိုတဲ့ အချက် တစ်ခုတည်းနဲ့ကို
ခန္ဓာရဲ့ ဆင်းရဲဒုက္ခက ပေါ်လွင်နေတာမို့ ခန္ဓာအပြစ်ကို ကွက်ကွက်ကွင်းကွင်းမြင်အောင် နှုတ်တွေ့၊ လက်တွေ့ (စာတွေ့၊ လက်တွေ့) သင်ကြားပေးတဲ့ အဲဒီအမျိုးသားကို ဘောဇနသုဒ္ဓိကမင်းကြီးက ဆုတော်လာဘ်တော်တွေ၊ စည်းစိမ်းချမ်းသာတွေ အများကြီး ချီးမြှင့်လိုက်ပါတယ်။ တရားကို တန်ဖိုးထားလို့ တရားကို ပူဇော်တာပါပဲ။
“ရူပက္ခန္ဓာ၊ ဝေဒနာက္ခန္ဓာ၊ သညာက္ခန္ဓာ၊ သင်္ခါရက္ခန္ဓာ၊ ဝိညာဏက္ခန္ဓာ” လို့ ခန္ဓာငါးပါးရှိတဲ့အထဲမှာ အခုပြောခဲ့တဲ့ ခန္ဓာဝန်တွေကတော့ “ရူပက္ခန္ဓာ” လို့ခေါ်တဲ့ ရုပ်ကိုယ်ခန္ဓာကြီးရဲ့ ခန္ဓာဝန်တွေပါပဲ။
●ကိုယ်ဆင်းရဲ၊ စိတ်ဆင်းရဲကင်းအောင်၊ ကိုယ်ချမ်းသာ၊ စိတ်ချမ်းသာမှုနဲ့ ထာဝရ ပြည့်စုံအောင် ပြုစုစောင့်ရှောက် နေရတာတွေ ကတော့ “ဝေဒနာက္ခန္ဓာ”လို့ခေါ်တဲ့ ခံစားမှုဝေဒနာ ၊
နာမ်ခန္ဓာကြီးရဲ့ ခန္ဓာဝန်တွေပါပဲ။
●စိတ်ညစ်စရာ၊ စိတ်ပျက်စရာ၊ ရွံစရာ၊ မုန်းစရာ အာရုံတွေ စိတ်ထဲမှာ စွဲကျန် မနေရစ်အောင်၊ စိတ်ချမ်းသာ စရာ၊ စိတ်ပျော်စရာ၊ ချစ်စရာ၊ ကြိုက်စရာအာရုံတွေ စိတ်ထဲမှာ စွဲမြဲနေအောင်၊ ကိုယ့်ကို ကောင်းကျိုးပြုမယ့် အသိပညာ၊ အတတ်ပညာ၊ အတွေးအခေါ်၊ တရားဓမ္မတွေ ဘယ်တော့မှ ပျောက်ပျက်မသွားဘဲ အမြဲ မှတ်မိနေအောင် ကြိုးစားအားထုတ်နေ ရတာတွေကတော့ “သညာက္ခန္ဓာ” လို့ခေါ်တဲ့ “မှတ်သားမှုသညာ နာမ်ခန္ဓာကြီး” ရဲ့ ခန္ဓာဝန်တွေပါပဲ။
●ကိုယ့်ရဲ့ အလိုဆန္ဒအတိုင်း ပြီးစီးပြည့်စုံအောင်ကြံစည်ပြောဆို လုပ်ကိုင်နေရတာတွေ၊ လောဘ ဒေါသ စတဲ့ စိတ် အပူဓာတ်တွေ အလောင်မြိုက်မခံရအောင်၊ သဒ္ဓါ၊ ပီတိစတဲ့ စိတ်အအေးဓာတ်တွေ လွှမ်းခြုံနေအောင် ပြုလုပ်အားထုတ်နေ ရတာတွေကတော့ “သင်္ခါရက္ခန္ဓာ” လို့ခေါ်တဲ့ “စေ့ဆော်ဖန်တီးမှု သင်္ခါရ နာမ်ခန္ဓာကြီး” ရဲ့ ခန္ဓာဝန်တွေပါပဲ။
●အဆင်းကောင်းကောင်း၊ အသံကောင်းကောင်း၊ အနံ့ကောင်းကောင်း၊ အရသာကောင်းကောင်း ဆိုတဲ့
ဣဋ္ဌာရုံ အာရုံကောင်းကောင်းလေးတွေ ချည်းပဲတွေ့ကြုံသိရှိရအောင် ရွက်ဆောင်ဖန်တီး နေရ တာတွေ ကတော့ “ဝိညာဏက္ခန္ဓာ” လို့ခေါ်တဲ့ “သိမှုဝိညာဉ် နာမ်ခန္ဓာကြီး” ရဲ့ ခန္ဓာဝန်တွေပါပဲ။
ခန္ဓာငါးပါးကို သဘောတူရာပေါင်းပြီး အတိုချုပ်လိုက်ရင် ရုပ်နာမ်နှစ်ပါးပဲ ရပါတယ်။ “ရုပ်နာမ်နှစ်ပါး ခန္ဓာငါးပါး” ဟာ ဆင်းရဲဒုက္ခအားလုံးရဲ့ တရားခံလက်သည် ပင်မရေသောက်မြစ် ဖြစ်ပါတယ်။
အိုခြင်းဆင်းရဲ၊ နာခြင်းဆင်းရဲ၊ သေခြင်းဆင်းရဲ၊ ချစ်သူကွဲဆင်းရဲ၊ မုန်းသူတွဲဆင်းရဲ၊ စိုးရိမ်ပူဆွေးဆင်းရဲ၊
တမ်းတငိုကြွေးဆင်းရဲ၊ အပါယ်လေးပါးဆင်းရဲ စတဲ့ ဆင်းရဲတွေ၊ ရာဂကြောင့် ပူလောင်ရတဲ့ ဆင်းရဲ၊ ဒေါသကြောင့် ပေါက်ကွဲရတဲ့ဆင်းရဲ၊ မာနကြောင့် လဲပြိုရတဲ့ဆင်းရဲ၊ မနာလိုဝန်တိုမှု ဣဿာမစ္ဆရိကြောင့် အခြောက်တိုက် ပင်ပန်းနွမ်းနယ်ရတဲ့ ဆင်းရဲစတဲ့ ဆင်းရဲတွေ၊ ဆင်းရဲဒုက္ခတွေ အားလုံးဟာ ဟောဒီ “ရုပ်နာမ်ခန္ဓာ” ကို အမှီပြုပြီးတော့၊ ဟောဒီ ရုပ်နာမ်ခန္ဓာနဲ့ ဆက်စပ်ပြီးတော့ ဖြစ်ရတဲ့
ဆင်းရဲဒုက္ခတွေချည်းပါပဲ။ ဒါ့ကြောင့် ဆင်းရဲဒုက္ခအစစ်ဟာ ခန္ဓာပါပဲ၊ ရုပ်နာမ်နှစ်ပါး ခန္ဓာငါးပါးပါပဲ။ (လောကုတ္တရာခန္ဓာ မပါဝင်ပါ။)
ဆင်းရဲကလည်း....သိသိသာသာဆင်းရဲ၊ မသိမသာ ဆင်းရဲနဲ့ သိစရာဆင်းရဲ ဆိုပြီးတော့ သုံးမျိုး ရှိပါတယ်။
(၁)။“သိသိသာသာဆင်းရဲ” ဆိုတာကတော့ အိုခြင်း၊ နာခြင်းစတဲ့ လူတိုင်းသိတဲ့ ကိုယ်ဆင်းရဲ၊ စိတ်ဆင်းရဲ မျိုးစုံပါပဲ။ ဆင်းရဲဆိုမှ တကယ့်ဆင်းရဲဖြစ်လို့ “ဒုက္ခဒုက္ခ” လို့ ခေါ်ပါတယ်။ ဒုက္ခမဟုတ်ပါဘူး လို့ ဘယ်သူမှ၊ ဘယ်လိုမှ၊ ငြင်းပယ်လို့မရတဲ့ ဆင်းရဲပါ။
(၂)။“မသိမသာဆင်းရဲ” ဆိုတာကတော့ အများက ကောင်းတယ်၊ ချမ်းသာတယ်လို့ သတ်မှတ်ထားတဲ့
ကိုယ်ချမ်းသာ၊ စိတ်ချမ်းသာ သုခဝေဒနာပါပဲ။ သုခအဖြစ်နဲ့ မတည်မြဲဘဲ ဒုက္ခအဖြစ် ဖောက်ပြန်ပြောင်း လဲသွားတတ်တဲ့ ဆင်းရဲဖြစ်လို့ “ဝိပရိဏာမဒုက္ခ” လို့ခေါ်ပါတယ်။ ချမ်းသာလို့ တဒင်္ဂတစ်ခဏ ထင်ရတဲ့ ဆင်းရဲပါ။
(၃)။“သိစရာဆင်းရဲ” ဆိုတာကတော့ “ဖြစ်ပျက်ဆင်းရဲ”ပါပဲ။ သင်္ခါရ လို့ခေါ်တဲ့ ရုပ်တရား၊ နာမ်တရားတွေရဲ့
ပင်ကိုသဘာဝ ဆင်းရဲဖြစ်လို့ “သင်္ခါရဒုက္ခ” လို့ ခေါ်ပါတယ်။ ခေတ္တခဏလေးတောင် တည်တံ့ခိုင်မြဲမနေတဲ့
ရုပ်နာမ်ခန္ဓာရဲ့ ဖြစ်ပြီး ချက်ချင်းပျက်၊ ဖြစ်ပြီး ချက်ချင်းပျက်နေတဲ့ ဆင်းရဲပါ။ သံသရာဝဋ် ခန္ဓာညွတ်မှ ကျွတ်လွတ် လိုသူတိုင်း မသိမဖြစ် သိအောင်လုပ်ရမယ့် ဆင်းရဲပါ။
■ဒုက္ခဒုက္ခနဲ့ “ဝိပရိဏာမဒုက္ခ” ကို သိရုံနဲ့ ခန္ဓာဆင်းရဲက မလွတ်မြောက်နိုင်သေးပါဘူး။ “သင်္ခါရဒုက္ခ” ကို သိမှ ခန္ဓာဆင်းရဲက လွတ်မြောက်နိုင်ပါတယ်။
သင်္ခါရဒုက္ခကို သိအောင်လုပ်တဲ့ နည်းကလည်း သတိပဋ္ဌာန် ဝိပဿနာတရားက လွဲလို့ တခြား မရှိပါဘူး။ ဒွါရခြောက်ပါးမှ ပေါ်လာတဲ့ အာရုံခြောက်ပါးကို ပေါ်တိုင်းပေါ်တိုင်း၊ ပေါ်ခိုက်ပေါ်ခိုက်မှာ ပစ္စုပ္ပန်ကျကျ ရှုမှတ်သွားမယ် ဆိုရင် ရုပ်နာမ်ခန္ဓာရဲ့ သင်္ခါရဒုက္ခကို သိမြင်နိုင်ပါတယ်။
မြင်သမျှ၊ ကြားသမျှ၊ နံသမျှ၊ စားသမျှ၊ ထိသမျှ၊ သိသမျှ အာရုံတွေကို မြင်တိုင်း၊ ကြားတိုင်း၊ နံတိုင်း၊ စားတိုင်း။ ထိတိုင်း၊ သိတိုင်း၊မြင်ခိုက်၊ ကြားခိုက်၊ နံခိုက်၊ စားခိုက်၊ ထိခိုက်၊ သိခိုက်မှာ မြင်-မြင်တယ်၊ ကြား-ကြား တယ်၊ နံ-နံတယ်၊ စား-စားတယ်၊ ထိ-ထိတယ်၊ သိ-သိတယ်လို့ သတိပဋ္ဌာန် နည်းလမ်းအတိုင်း ဝိပဿနာရှုပွား သွားမယ်ဆိုရင်ရုပ်နာမ်နှစ်ပါး၊ ခန္ဓာငါးပါးကို ရှုပွားရာရောက်ပြီး သတိ၊ သမာဓိ၊ ဉာဏ် အားကောင်း လာ တာနဲ့အမျှ ရုပ်နာမ်ကွဲ၊ ကြောင်းကျိုးသိ၊ ဖြစ်ပျက်မြင်၊ လက္ခဏာထင်ပြီးခန္ဓာဆင်းရဲတို့ရဲ့ ချုပ်ငြိမ်းရာ နိဗ္ဗာန်ချမ်းသာကို မျက်မှောက်ပြုနိုင်ပါလိမ့်မယ်။
တစ်လောကလုံးရဲ့ အနှိုင်းမဲ့ကျေးဇူးရှင်ဖြစ်တဲ့မြတ်စွာဘုရားရှင်က ခန္ဓာဆင်းရဲ၊ ခန္ဓာဝန် ထမ်းရခြင်း ဆင်းရဲဟာ အနှိုင်းမဲ့ ဆင်းရဲဖြစ်တယ်လို့ “နတ္ထိ ခန္ဓာသမာ ဒုက္ခာ” ဆိုတဲ့ စကားတော်နဲ့ ဟောကြားညွှန်ပြ ထားတာမို့ လူသားတိုင်း၊ လူသားတိုင်း ခန္ဓာဆင်းရဲဆိုတဲ့ “အနှိုင်းမဲ့ဆင်းရဲ” ကို အကြွင်းမဲ့ ချုပ်ငြိမ်းအောင် ရုပ်သိမ်းနိုင်ကြပါစေလို့ ဆုမွန်ကောင်း တောင်းလိုက်ပါတယ်။
အပ္ပမာဒေန သမ္ပာဒေထ။
(ဆရာတော်အရှင်ဆန္ဒာဓိက)
အပ္ပမာဒမဂ္ဂဇင်း ၊ ဩဂုတ်လ၊၂၀၀၀။
-【ဆရာတော်အရှင်ဆန္ဒာဓိက(ရွှေပါရမီတောရ)】၏ “အနှိုင်းမဲ့ချမ်းသာ” နှာ ၁၂၈ - ၁၄၅ မှ -
ကူးယူပူဇော်မျှဝေပါသည်။】
-【စာရိုက်ပူဇော်သူ - Admin Team of Young Buddhist's Association】
Posted by www.facebook.com/youngbuddhistassociation.mm
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+