မဖြစ်သင့်သော ရွေ့လျား ပြောင်းလဲလာသည့် မြန်မာ စကားလုံးများ အကြောင်း
“အဲတော့”
“အာ့ကို”
“အာ့က”
“ဘာလို့”
“ဟုတ်တယ်
မလား”…
မြန်မာစကား လုံးများ ရွေ့လျား ပြောင်းလဲလာ သလို ဖြစ်နေ တယ်။ တကယ်တော့ မြန်မာတွေ ပြောခဲ့၊ ရေး ခဲ့ကြတဲ့ မြန်မာ စကား လုံးတွေက “အဲဒီလို၊ အဲဒီတော့၊ အဲဒါ ကို၊ အဲဒါ က၊ ဘာဖြစ်လို့၊ ဟုတ် တယ် မဟုတ်လား…”စတာတွေ ပါ။ ဒါမှ မြန်မာစကား ရဲ့အဓိပ္ပာယ် ပြည့်စုံပေါ်လွင် မှာပါ။
ပထမဆုံး ဒီစကားလုံးတွေ စတင်တွေ့ရှိတာက စာတန်းထိုး ဗီဒီယို ဇာတ်လမ်းတွဲတွေပါ။ MRTV၊ MRTV- 4၊ မြဝတီ စတဲ့ရုပ်သံ ချန်နယ်တွေက စာတန်းထိုး ဗီဒီယို ဇာတ်လမ်းတွဲတွေ မှာ မြန်မာ စာတန်းထိုးရင် ဒီစကား လုံးတွေ တွေ့ရပါတယ်။ နိုင်ငံတကာ ဗီဒီယို၊ ရုပ်ရှင်ကားတွေ ကို မြန်မာ စာတန်း ထိုးပြီး ဖြန့်ချိတဲ့ ပုဂ္ဂလိက ထုတ် ဓာတ်ပြားတွေ မှာလည်း ဒါမျိုး စာတန်းတွေ တွေ့ရပါတယ်။ ပထမ တော့ ဘာကို ဆိုလိုမှန်း နားမလည်ပါ ဘူး။ နောက်တော့ ဂျာနယ်၊ မဂ္ဂဇင်း၊ သတင်းစာ တချို့မှာ အဲ့ဒီ အသုံးအနှုန်း တွေတွေ့ လာမှ၊ တွေ့ပါများလာမှ ဘာကိုဆိုလိုမှန်း မှန်းဆမိလာပါ တယ်။ ဒါဟာ မြန်မာစာ ကိုပျက်စီးစေ တာပါ။ ဖျက်ဆီး တာပါ။ မြန်မာမှန် ရင် မြန်မာစာကို မှန်ကန်အောင်ရေး တတ်ဖို့ အထူး လိုအပ်သလို မြန်မာ စာ၊ မြန်မာ စကားကို စောင့်ထိန်းဖို့ တာဝန်လည်း ရှိပါတယ်။
မြန်မာစာ၊ မြန်မာ စကားဟာ ကာလ အလျောက် ရွေ့လျားပြောင်း လဲခဲ့ခြင်း များရှိပါတယ်။ ဒါပေမဲ့ ဒီလို ပရမ်းပတာ ပြောင်းလဲခြင်း မျိုး မဟုတ် ပါ။ မြန်မာစာရဲ့ အခြေခံ က စာလုံး ပေါင်း သတ်ပုံဖြစ်ပါတယ်။ စာလုံး ပေါင်း သတ်ပုံက မြန်မာစာရဲ့အခြေ အမြစ် ဖြစ်သလို အနက် အဓိပ္ပာယ်မှန် ကိုသိမှလည်း စာလုံးပေါင်း သတ်ပုံ မှန်နိုင်ပါတယ်။ စာလုံးပေါင်း သတ်ပုံ ကို ထင်ရာမြင်ရာ၊ တော်ရာလျော်ရာ သတ်မှတ် လို့မရပါဘူး။ စနစ်တကျ၊ စည်းကမ်း တကျ ယုတ္တိတန်တန် ပြော ဆိုရေးသား ရမှာ မြန်မာစကား၊ မြန် မာစာ ပဲဖြစ်ပါတယ်။ မြန်မာလူမျိုးတို့ ခေါ်ဝေါ်ပြောဆို၊ ရေးသား သုံးစွဲနေ ကြတဲ့ ဝေါဟာရ စကားလုံး အားလုံး ဟာ အသေးစိတ် ပါက တစ်လုံးစီ၊ တစ်လုံးစီ တို့မှာ သူ့အနက် အဓိပ္ပာယ် နဲ့သူ အသီးသီး ရှိပါတယ်။ စကားလုံး ဝေါဟာရ ရေးသားရာမှာ အသုံးမမှန် ကန်ပါက ရည်ရွယ်ရင်း အချက်အလက် များ မထိရောက်၊ မလေး နက်တော့ ဘဲ အနက် အဓိပ္ပာယ်တစ်မျိုး သက် ရောက်သွားပါတယ် ။ရှေးမြန်မာ ပညာ ရှိများ ပြောင်းလဲခဲ့တဲ့ မြန်မာစာ၊ မြန် မာစကား များဟာ မြန်မာစာ အခြေ အမြစ်ဖြစ် တဲ့ အနက် အဓိပ္ပာယ်ကို မလွဲမှားစေတဲ့ ပြောင်းလဲမှုပါ။
”အဲလို၊ အဲတော့၊ အာ့ကို၊ အာ့ က၊ ဘာလို့၊ ဟုတ်တယ် မလား..”ဆိုတာ တွေဟာ မြန်မာစကား၊ မြန်မာစာ တို့ရဲ့ အခြေအမြစ် ဖြစ်တဲ့ “သတ်ပုံနဲ့ အနက် အဓိပ္ပာယ်” ကို ပျက် စီးစေပါ တယ်။ ဆိုလိုရာကို အဓိပ္ပာယ် သက် ရောက်မှု မရှိပါ။ မြန်မာစကားလုံး တစ်လုံးစီ၊ တစ်လုံးစီမှာ မှန်ကန်တဲ့ အဓိပ္ပာယ် ရှိပါတယ်။ ရှိရပါတယ်။
အဲလိုအစား “အဲဒီလို” ၊ အဲတော့ အစား “အဲဒီတော့”၊ အာ့ကို အစား “အဲဒါကို”၊ အာ့ကအစား “အဲဒါက”၊ ဘာလို့အစား “ဘာဖြစ်လို့”၊ ဟုတ် တယ်မလား အစား “ဟုတ်တယ် မဟုတ်လား”…ဆိုမှ မြန်မာစာ အခြေအမြစ် နဲ့ ကိုက်ညီပါမယ်။
“မြင်ပါများ၊ အမှားကို အမှန်ထင်” ဆိုတဲ့ အတိုင်း ကနေ့နိုင်ငံတကာ က ဗီဒီယို ရုပ်ရှင်ကားများကို မြန်မာစာ တန်းထိုး ရောင်းချနေ သူများနဲ့ တီဗီ ချန်နယ်များ မှ မြန်မာစာ တန်းထိုး ဗီဒီယို ရုပ်ရှင်များလည်း စာတန်းထိုး မှားယွင်းခြင်းကို ဆင်ခြင်ဖို့ လိုသလို ကြော်ငြာ ဆိုင်းဘုတ်များနဲ့ စာနယ် ဇင်းများပါ မကျန် ဒီလိုမှားယွင်းတဲ့ အသုံးအနှုန်း ကိုရှောင်ရှားပြီး အမှန် ကိုသုံးဖို့ တိုက်တွန်းပါ ရစေ။ ဒီလိုမှ မဟုတ်ရင်၊ နှစ်ကာလ ကြာရှည်စွာ အရေး အသုံး မှားခဲ့ရင် အမှန်ပြင်ဖို့ ခက်ခဲမှု ရှိလာနိုင်ပါတယ်။
ဒီလို အသုံးအနှုန်း များကို ကနေ့ခေတ် စားပြီး လူသုံးများလာနေ တဲ့ ဖေ့စ်ဘုတ်မှာ အများဆုံးတွေ့ရှိ ရတဲ့ အတွက်လည်း ဖေ့စ်ဘုတ်သုံးသူများ အထူး ဆင်ခြင် သင့်တယ် လို့ မြင် မိပါတယ်။ ဖေ့စ်ဘုတ် စာမျက်နှာမှာ သူ့ထက်သူ ပိုကဲလို့ “ငါ့နာမည်” ကို “နာ့နာမည်” လို့တောင် သုံးစွဲနေကြ တာတွေ့နေရပါပြီ။ အပြောင် အပြက် လုပ်ပြီးရေး တယ် လို့ ဆင်ခြေပေးနိုင် ခြေရှိပါတယ်။ အပြောင် အပြက် ကနေ “ပြောင်ပြောင် (ကုန်ခြင်း) ဖြစ် အောင် ပျက်ပျက်” လာနိုင်တယ်လို့ ခံ စားမိပါတယ်။
ဒီလိုသာ မှားယွင်း သုံးစွဲနေကြ ရင်တော့ နောင်လာ နောက်သား တို့ အတုယူ မှားပြီး မြန်မာစာ၊ မြန်မာ စကားရဲ့ အခြေအမြစ် ပျောက်ဆုံးကာ မြန်မာစာ၊ မြန်မာ စကား နိမ့်ကျ ပျက် စီး သွားနိုင်ကြောင်း စေတနာ အရင်းခံ နဲ့ ရေးသား လိုက်ပါတယ်။
ဖိုးသုည
Popular Journal
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+